يوم 25 يناير 2011 !!! يوم انا مش فاكر فيه غير اني كنت نايم لحد الساعة 5 بليل من كتر تعبي و ارهاقي من اليوم اللي كان قبليه و كان اخر يوم امتحانات الترم الاول في البكالريوس والنوم يا حبيبي النوم , المهم النوم كان جميل اوي اوي بعد سهرة اخر يوم امتحانات و متابعة اخر التكتيات اللي كان اللواء عمر عفيفي كان محضرها ليوم 25 يناير يوم المظاهرة السلمية ونمت و قولت يوم هيبقي عادي و الحكاية هتتلم , المهم وانا في عز النوم سمعت صوت جنب السرير بتاعي ولاول مرة في شارع بورسعيد " يسقط يسقط حسني مبارك " نطيت من سريري و جريييييت اتفرج لقيت العدد في الليمون و الناس في الشارع كتير و اشكال و الوان و ناس محترمة جدا جدا و اطفال و ستات والهتاف كان " حرية , كرامة , عدالة اجتماعية " و "مسلم مسيحي كلنا ايد واحدة "و " الشعب يريد اسقاط النظام " و" يسقط يسقط حسني "مبارك " و"انزل يا مصر "و فجأه لاقيت الحراس من الداخلية من الكنيسة اللي امام بيتي مختفين حسيت بحاجة غريبة و مكنتش قادر افهم هما راحوا فين !!!!
بعد كده عاد شارع بورسعيد وخاصة قدام بيتي الي الهدوء التام و السكون الجميل اللي مش بحبه و قعدت بقي اشوف الاخبار و ايه الجديد بيحصل في مصر و ان اللي انا شفته ده هنا بس و لا في مصر لاقيت في شبه كده في السويس والقاهرة و قرأت في الجزيرة ان و زير الداخلية اصدر اوامر بإطلاق النار علي المتظاهرين في القاهرة والسويس بعد الساعة 11 بليل لو مرواحوش بعد كده بدأ ضرب القنابل في التحرير و ده كان مباشر علي الهواء و كانت اعداد المتظاهرين بتزيد كل شوية و فجأة :خبر مقتل متظاهر في السويس و ان الناس بتحتشد عند قسم شرطة الاربعين و من هنا بدأ الشعور الغريب العجيب بأن الايام اللي جاية فيها تصعيد .
ملحوظة : لا ادري حتي الان لماذا لم اذهب للمظاهرة لعله سبب من وربنا " كان فيه اتنين حبايب بيمشوا رايا من قبل 25 باسبوعين " اكيد ربنا ما اردش ليا الشهادة في الايام دي
ليست هناك تعليقات:
إرسال تعليق