امن الدولة يا امن الدولة فين الامن و فين الدولة ؟؟؟ امن الدولة ليه ولعتوها بعد ما شفبق ما ساب الوزارة ؟؟؟ ايه يا تري السر بينهم ؟؟؟ ليه اشمعنا يوم ما احمد شفيق ما ساب الوزارة ده حصل ؟؟؟؟ سؤال و بلاش حد يهرب منه , عشان انت لو هربت منه في الف غيرك هيجوابوا علي السؤال !!!
ليه حصل ده بعد ما شفيق ما مشي ؟؟ ليه ؟؟؟ لازم نبوص للموضوع من نحيتين , الاولي المتظاهريين و المحتجيين : هما كان ليهم مطالب و حققوا اغلبها و كان فاضل 3 مطالب و هما ان شفيق يمشي , حل جهاز امن الدولة و الافراج عن المعتقلين السياسين , و اخيرا حل الحزب الوطني " علي فكرة المطالب دي من يوم 9 فبراير "و هما بعد ما وصلوا ان شفيق استقال او اقيل من منصبه قرروا يدخلوا علي المطلب اللي بعده و هو امن الدولة وبالفعل و صلوا تقريبا للي كانوا عاوزينه و زي ما بنقول فاضل علي الحلو دقة و هو الحزب وده معناه الثورة مستمرة و بتنجح و لسه المشوار طويل
الناحية التانية بقي : الحكومة و امن الدولة : هما ماكانوش متوقيعين ان بعد اقالة شفيق او استقالته عشان اللي بيعشقوه مايزعلوش ان الشباب الجامد ده هيكمل و يدخل علي المطلب قبل الاخير وهو امن الدولة الجاهز السيادي اللي بيتجسس علي كل واحد و عارف حتي مقاس الجزمة و لون الشراب المفضل لكل مواطن !! بس فقرروا يولعوا الورق و المستندات اللي موجودة في مقراتهم وده اللي حصل في الاسكندرية .
بس ليه اللي حصل ده محصلش اول امبارح لما كان شفيق موجود ؟؟؟ هل انه كان يضمن للجهاز انه هيكمل بكامل هيئته ؟؟؟ و هل امن الدول زي ماهو معاه مسنتدات علي كل واحد في مصر قرر شفيق انه يعمل صفقة معاهم انه يضمن الجماز واستمراريته و الجهاز امن الدولة يضمن ليه التستر و حرق ملفاته في حالة سقوطه ؟؟؟؟ , كمان ايه تفسركم ان بعد سقوط مبارك الشارعي يوم 28 يناير و حالة الهلع اللي عملها برضه امن الدولة و نفس السيناريو اللي حصل بعد ما شفيق ما ساب الوزارة و الاشعات اللي شغالة في البلد ؟؟؟
بس الحمد لله المرة دي تم احتواء الاشعات لحد ما الحمدلله , يا تري ايه الرابط العجيب بين احمد شفيق وامن الدولة ؟؟؟؟
ومن الاخر امن الدولة اشتري عداوة الجيش بعد ما بالفعل زود كراهية الشعب للجهاز , ياتري ايه بقي اللي هيحصل بعد حل الحزي الواطني الفاقد للشرعية ؟؟؟ مجرد تفكير
ليست هناك تعليقات:
إرسال تعليق